Warshaan Simmintoo Darbaan Dhaabbata Chaayinaa Siinoomaa Intarnaashinaal Injinariing Giruup waliin waliigaltee mallatteesse

Finfinnee, Sadaasa 15, 2015(FBC)- Warshaan Simmintoo Darbaan Piroojektii babal’ina warshichaarratti waliin hojjechuuf Dhaabbata Chaayinaa Siinoomaa Intarnaashinaal Injinariing Giruup waliin waliigaltee waliif mallatteesse.

Waliigaltichi bu’uura fedhii simmintoo biyyattiin dandeettii guyyaatti simmintoo kuntaala kuma 80 oomishuu dandeessisu uumuuf ta’uu eerameera.

Waliigaltichi  hojii babal’ina warshichaa Doolaara miiliyoona dhibba 2 fi miiliyoona 82 hojjechiisuu kan dandeessisu ta’uu ibsameera.

Waliigaltichi rakkoo damichaan mul’atu furuuf gahee olaanaa qaba jedhameera.

Hojiin fooyya’iinsa diinagdee biyya keessaa dame dhuunfaa guddisuurratti xiyyeeffachuu Ministirri Ministeera Albuudaa Injinar Taakkalaa Uumaan haasawaa waliigalticharratti taasisaniin ibsaniiiru.

Hojii babal’ina warshichaaf mootummaan federaalaafi naannoo deeggarsa kan taasisan ta’uu kaasaniiru.

Hojiirra oolmaa waliigaltichaaf hundi gaheesaa akka ba’atu yaadachiisaniiru.

Waliigaltichi guyyaatti hanga oomisha warshichaa gara kuntaala kuma dhibba 1 fi kuma 50tti kan guddisu ta’uu ibsameera.

Yismaawu Adaraawutu gabaase.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.