Walga’iin koree olaanoo Ministeera Fayyaa gaggeeffamaa jira

Finfinnee, Onkololeessa 20, 2016 (FBC)- Walga’iin Koree Olaanoo Ministeera Fayyaa gaggeeffamaa jira.

Walga’icharratti hoggantoonni Ministeerri Fayyaa fi dhaabbileen waamamoo akkasumas hoggantoonni biirolee naannoolee argamaniiru.

Waltajjichi walga’ii koree olaanoo kanaan dura gaggeeffamee irratti murteewwan xiyyeeffannoo hordoffii fi to’annoon barbaachisan bal’inaan dhiyaachu TOI gabaaseera.

Dabalataan bara baajataa 2015’tti itti fayyadama faayinansii dabalatee gabaasni raawwii damee fayyaan dhiyachuun mariin gaggeeffameera.

Damichaan raawwiin fooyya’aan mul’achuun kan eerame yoo ta’u, naannolee gidduutti raawwiin jiru garaagarummaa qabaachuun akeekameera.

Damee fayyaan karoora guddinaa fi invastimantii yeroo giddugaleessaa fi raawwii karoorichaarratti madda maallaqaa barbaachisu akkasumas damichaan baajatni karoora 2016 dhiyaatee irratti mari’atameera.

Haala kenniinsa tajaajilaa dhaabbileen fayyaa isaanii ilaalchisuun qorannoon biyyaalessaa inistiitiyuutii fayyaa Hawaasaa Itiyoophiyaan dhiyaatee irratti mari’atameera.

Onkololeessa 22-23, 2016tti yaa’iin waggaa Fayyaa 25ffaan akka gaggeeffamu ibsameera.

#Oromiyaa #Itiyoophiyaa

Odeeffannoowwan waqtaawaa dabalataa argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.