Waldaa Qaxxaamura Diimaa Ityoophiyaaf ambulaansiiwwan arjoomaman

Finfinnee, Caamsaa 11, 2015 (FBC)- Tajaajila Waldaa Qaxxaamura Diimaa Ityoophiyaa bal’isuuf ambulaansiiwwan 14 fi konkolaattota sarviisi 9 Waldaa Qaxxaamuraa Diimaa Addunyaarraa arjoomaameef.

Ambulaansiiwwan kunneen baasii Birrii miiliyoona 28 fi sarvisiiwwaniif ammoo Birriin miiliyoonni 18 baasii ta’uun eerameera.

Dabalataan, meeshaaleen wal’aansa fayyaa sadarkaa isaanii eeggatan Birrii miiliyoona 8.6’n bitamuun deeggarsi taasifamuun eerameera.

Barreessaa Olaanaa Waldaa Qaxxaamura Diimaa Ityoophiyaa Geetaachoo Taa’ii, deeggarsichi lakkoofsa ambulaansiiwwanii dabaluu cinaatti sadarkaa qulqullina tajaajilaa akka fooyyessu himaniiru.

Deeggarsa namoomaa hawaasaaf kennamu daran kan tumsu ta’uus dubbataniiru.

Deeggarsi taasifames ambulaansiiwwan waldichaa gara 444tti guddisa jedhameera.

Dabalataanis Waldaan Qaxxaamura Diimaa Ityoophiyaa waggoota 88 lakkoofsise deeggarsa gama hundaa akka barbaachisu eeraniiru.

Fatiyaa Abdallaatu gabaase.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.