Uummatni Ityoophiyaa miiliyoona 50 taajajila ibsaa akka argatan hojjechaa jirra – Dooktar Injiiner Silaashii Baqqalaa
Finfinnee, Sadaasa 24, 2014 (FBC) – Uummanni Ityoophiyaa miiliyoonni 50 taajajila ibsaa akka argatan halkanii guyyaa hojjechaa jirra jedhan Sadarkaa Ministiraatti gorsaa fi Falmaan Lageen Daangaa Ce’aa fi Hidha Haaroomsaa Dooktar Injiiner Silaashii Baqqalaan.
Dhiibbaa biyyoonni alaa ijaarsa hidhaa haaromsaa irratti taasisaa jiran dura dhaabbachuun hojiin ijaarsa hidhichaa itti fufeera.
Hawaasni biyyattis boondii bituu fi karaa ergaa gababaa 8100 ‘A’ deegarsaa taasisaa jira jedhan.
Dooktar Injiiner Silaashii sirna kabaja ayyaana sabaaf sablammootaa fi ummattootaa Ityoophiyaa 16ffaa sadarkaa naannoo Oromiyatti magaalaa Finfinnee Hoteelaa Sharaatanitti kabajamaa jirrurratti argamaniiru.
Sadarkaan ijaarsa Hidha Haaroomsaa kallattii ka’aameen hojjetamaa jiraachuus kaasaniiru.
Hawaasni biyyattiis akkuma kanaan duraa ijaarsi isaa hanga xumuramutti deeggarsa taasiisan itti fufuu akka qaban dhaamaniiru.
Gammachuu Beekumaatu gabaase.
Naannoo keessan eegaa!
Gara adda waraanaatti duulaa!
Raayyaa Ittisa Biyyaa deeggaraa!
Fuula Feesbuukii keenyan dabalata odeeffannoo waqtaawaa
argachuuf;
Teelegraama https://t.me/afanoromofana
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.