Torbeen Dhabamsiisa Busaa Magalaa Naqamteetti kabajamaa jira

Finfinnee, Sadaasa 22, 2017 (FBC) – Torbeen Dhabamsiisa Busaa qopheessummaa Biiroo Fayyaa Oromiyaa fi Waajjira Fayyaa Godina Wallaggaa Bahaan Magalaa Naqamteetti kabajamaa jira.

Hoggantuu Biiroo Fayyaa Oromiyaa Piroofesar Natsaannat Warqinaa dabalatee hoggantoonni Godinnichaa, Bulchiinsa Magaalaa Naqamtee fi Aanaalee kabajicharratti argamuu ibsameera.

Dhibeen Busaa dhibee hawaasa naannichaa miidhaa jiruu fi dhimma xiyyeeffaannoo olaanaa barbaadu ta’uu Piroofesar Natsaannat ibsaniiru.

Yeroo ammaa Tola oltatoonni kumni 5 fi 700 ol bobbaafamuun hojii ittisaa hojjechaa jiraachuu eeraniiru.

Dhibicha dhabamsiisuuf Hayyoota Dhaabbiillee Barnootaa Olaanoo waliin hojiin qorannoo bal’aan taasifamaa jiraachuus kaasaniiru.

Galaanaa Tasfaa fi Yohaannis Malkaamutu gabaase.

#Oromia #Ethiopia