Tola Ooltota Wal’aansaa Hindii fi Ameerikaarraa dhufaniif sagantaan beekkamtii kennuu gaggeeffame

Finfinnee, Hagayya 15, 2016 (FBC)–Tola ooltota tajaajila Onnee baqaqsanii wal’anuu fi leenjisuu Hindii fi Ameerikaarraa dhufaniif sagantaan beekkamtii kennuu gaggeeffameera.

Saganticharratti Ministirri Ministeeraa Fayyaa Dooktar Maqidas Dhaabaa, Itiyoophiyaatti tajaajila tola ooltummaa Gannaan hojiileen sirna fayyaa fooyyessuu danda’an hojjetamuu ibsaniiru.

Tola ooltota damichaa Hindii fi Ameerikaarraa dhufanis galateeffataniiru.

Tajaajila tola ooltummaan gumaacha taasisaniif dinqisiifatanii, qaamolee tajaajilicharratti hirmaatanii fi deeggarsa taasisaaniif tumsa barbaachisaa akka taasisan himuu ragaan ministeericharraa argame ni mul’isa.

Itiyoophiyaatti Ambaasaaddarri Hindii Shiriil Aniil Kumaar Itiyoophiyaa fi Hindi michummaa waggoota dheeraa lakkoofsise kan qaban ta’uu fi tola ooltota ergama isaanii milkaa’inaan xumuran galateeffataniiru.

#Oromia #Ethiopia