Tarkaanfii Biiroon Daldalaa magaalaa Finfinnee fudhateen hanga ammaatti konkolaattonni booteen 12 fudhatamuu ibsame

Finfinnee, Waxabajjii 28, 2014 (FBC) – Tarkaanfii Seeraa hanga ammaatti fudhatameen konkolaattonni booteen 12 fudhatamuu Biiroon Daldalaa magaalaa Finfinnee beeksise.

Biirichi guyyaa har’aa konkolaattota boottee  qajeelfamaa fi danbii mootummaan ka’erra darban lama fudhachuu beeksiseera.

Biirichi guyyoottan dura konkolaattota boottee qajeelfamaa fi danbii hin hordofne 10 fudhachuun kan yaadatamudha.

Guyyaa har’aa konkolaattonni bootteen boba’aa liitira kuma 80 tilmaamamu fe’an fudhatamuu Ittaanaan hogganaa Biirichaa obbo Masfin Asaffaan ibsuu ragaan kominikeeshinii magaalichaarraa argame ni mul’isa.

Dhaabbilee boba’aa seera hordofuun hin hojjennee fi ta’e jedhanii hanqinni jiru akka hammaatuuf hojjetanirratti tarkaanfiin fudhatamu cimee kan itti fufu ta’uu eeraniru.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.