Taphoonni Piriimeer Liigii Ingilaandi torbee 20ffaan har’aa eegaluun ni taphatamu

Finfinnee, Mudde 26, 2017 (FMC) – Taphoota Piriimeer Liigii Ingilaandi torbee 20ffaan taphni boru Liiverpuul Maanchiister Yuunaayitiid keessummeessu ni eegama.

Taphoonni torbee 20ffaa kun tapha har’a waaree booda sa’aatii 9:30 irraa jalqabee Tootenhaam Niiwuukaasiil keessummeessuun eegalama.

Galgala sa’aatii 12:00 eegalee taphoonni 5 kan taphataman yoo ta’uu, Boornimaawuuz – Eevartan,  Astoon Viilaan – Leester, Kiristaal Paalaas – Cheelsii, Maanchiister Siitiin – Weest Haam, Saawuuz hampitan – Bireentifoord waliin yoo falmatan, halkan sa’aatii 2:30 irraa jalqabee falmiin Biraayitan Arsenaal waliin taasisu ni eegama.

Boru waaree booda sa’aatii 11:00 jalqabee Fuulhaam Ipisiiwiich Taawoon waliin yoo morkatu, falmiin galgala sa’aatii 1:30 eegalee Liiverpuul Maanchiister Yuunaayitiid waliin taasiisu hawwiin eegama.

#Oromiyaa #Ethiopia