Taphoonni Piriimaayeer Liigii Ingilaand Torbee 11ffaan galgala har’aa eegalee ni gaggeeffama

Finfinnee, Onkololeessa 4, 2015 (FBC) – Taphoonni Piriimaayeer Liigii Ingilaand Torbee 11ffaan tapha har’a galgala Bireentifoordii fi Biraayitan gidduutti taphatamuun eegalama.

Boru sa’aatii 8:30 eegalee Leesisteera Siitiin Kiristaal Paalaas waliin kan falmatu yoo ta’uu,sa’aatii 11:00 irratti ammoo Fuulhaam Boornimaawuz, Woolvar Haampitoon Notiingahaam Foreest waliin ni taphatu.

Galgala sa’aatii 1:30 eegalu Tootenahaam Eevartan ni keessumeessa.

Dilbatas taphoonni 5 kan gaggeeffamu yoo ta’u taphni galgala sa’aatii 12:30 irraa eegaluun Liivar Puul Dirree isaarratti Maanchiister Siitii keessummeessu xiyyeeffannoo argateera.

Arsenaalis dursummaa isaa cimsachuuf dirree isaan ala Liidis Yuunaatiid waliin ni taphata.

Maddi:-BBC Sport

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.