Taphataa cimaan duraanii Naayijeeriyaa Kaanuun Finfinnee gale
Finfinnee, Waxabajjii 21, 2016 (FBC) – Taphataa cimaan Kubbaa Miilaa duraanii Naayijeeriyaa Niwaankuu Kaanuun Feestivaala Shanan Afrikaarratti hirmaachuuf Finfinnee galeera.
Kaanuun waayita Finfinnee ga’u Ministirri Ministeera Turizimii Ambaasaaddara Naasisee Caaliin simannaa taasiisaniifiru.
Dabalataan Maarii Heenarii Kaamaaraa, Imaanu’eel Amookaachii fi taphannoonni Afrikaa ciccimoo biroon kaleessa waarii Finfinnee galaniiru.
Taphattoonni kubbaa Miilaa, Taatoowwan, Dizzaayinaroonni, Rogeeyyiin Miidiyaa Hawaasummaa bebekamoon, Ogeeyyiin Teeknooloojii, abbootiin qabeenya, Dippiloomaatoonnii fi ogeeyyiin damee biroo hedduun Feestivaalicharratti kan hirmaatan ta’uu eerameera.
#Oromia #Ethiopia