Tapha CAF’n Kilabni Kubbaa Miilaa Dubartootaa Baankii Daldala Itiyoophiyaa galchii hedduu keessummeessuun injifatame
Finfinnee, Sadaasa 4, 2017 (FBC) -Tapha ramaddii 2ffaa Shaampiyoonsi Liigii Dubartootaa CAF’n Baankiin Daldalaa Itiyoophiyaa Kilaba Afrikaa Kibbaa Maameloodii Sandaawunsiin galchii 4 fi 0n injifatameera.
Bakka bu’aan Afrikaa Bahaa fi Itiyoophiyaa Kilabni Kubbaa Miilaa Dubartootaa Baankii Daldala Itiyoophiyaa tapha ramaddii taphate lamaanuu injifatameera.
Tapha jalqabaa Kilaba Naayijeeriyaa Edo Kiwiinsi waliin taphate galchii 3 fi 0n injifatamuun kan yaadatamuudha.
Kilabichi Sanbata dhufu galgala sa’aatii 2:00 eegalee tapha 3ffaa isaa Kibala Ijipti Maasaar waliin taphata.