Talaalliin Pooliyoo Marsaa 2ffaan Finfinneetti kennamuu eegale
Finfinnee, Mudde 3, 2017 (FMC)- Duulli talaallii Pooliyoo Marsaa 2ffaan Finfinneetti kennamuu eegaleera.
Duulli talaallichaas har’arraa eegalee hanga Mudde 6, 2017’tti manaa-manatti, manneen barnootaatti, bakka tursiisaa fi guddisa daa’immanii fi kanneen birootti akka kennamu ibsameera.
Dhibeen pooliyoo harkaa fi miila daa’immanii laamshessuun rakkoo fayyaa hamaaf kan saaxilu yoo ta’u, maatii fi guddistoonni daa’immanii umriin isaanii waggaa 5 gadii kanaan dura talaalamis ta’e hintalaalamiin akka talaalchisan waamichi dhiyaateera.
Mintasinoot Mulugeetaatu gabaase.
#Oromia #Ethiopia