Tajaajilli geejjibaa haala itti fayyadamummaa hawaasaa mirkaneessuu danda’uun kennamuu qaba- Ministeera Geejjibaafi Loojistikii

Finfinnee, Guraandhala 19, 2015(FBC)- Tajaajilli geejjibaa haala itti fayyadamummaa hawaasaa mirkaneessuu danda’uufi guddina hundagaleessa Ityoophiyaa deeggaruu danda’uun kennamuu akka qabu Ministeerri Geejjibaafi Loojistikii ibse.

Ministeerichi raawwii karoora baatiiwwan ja’an darbanii gamaaggameera.

Hojiimaatilee haaraa diriirsuun, tarsiimoowwaniifi seerota garaagaraa qopheessuuniifi hojiirra oolchuun damee geejjibaafi loojistikii guddisuuf hojiileen hojjetamaniin bu’aalee gaariin argamuu eerameera.

Ministirri Ministeera Geejjibaafi Loojistikii Dooktar Alamuu Simeen, hojiimaata teekinooloojiin deeggarame diriirsuuniifi fooyya’iinsa kenniinsa tajaajilaa damichaaf hojjechuun barbaachisaa ta’uu ibsuusaanii ragaan ministeericharraa argame ni mul’isa.

Hojiimaatilee badaa kenniinsa tajaajila geejjibaa uummataarratti mul’atan furuuf kutannoon hojjechuun barbaachisaa ta’uus kaasaniiru.

Hojiimaata deeggarsa boba’aa akkaataa kallattii kaa’ameen hojiirra oolchuun fayyadamummaa hawaasaa mirkaneessuuf barbaachisaa ta’uus eeraniiru.

Hojiimaata qindaa’aa uummata giddugala taasise uumuun hawaasaaf tajaajila fooyya’aa kennuun barbaachisaadha jedhaniiru.

#Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.