Sulultaatti pirojektoonni Birrii miiliyoona 200 oliin ijaaraman eebbifaman

Finfinnee, Waxabajjii 25, 2014 (FBC) – Jilli Sadarkaa Ittaanaa Pirezadaantii Bulchiinsa Mootummaa Naannoo Oromiyaatti Qindeessaa Kilaastara Magaalaa Obbo Addisuu Araggaan durfamu Bulchiinsa Magaalaa Sulultaatti pirojektoota misoomaa Birrii miiliyoona 200 oliin hojjetaman eebbisiseera.

Pirojektoota ebbiffaman keessaa Manni barumsaa Ifa Boruu, daandii cirrachaa haaraa kiiloo meetira 56, ibsaa daandii irraa, sheediiwwan, kilinika fayyaa beeyladaa, piroojektii bishaan dhugaatii fi kanneen biroo ta’uun eerameera.

Pirojektoonni kunneen bara 2014 pirojektoota 40 hojjatamaa turan keessaa 38 baajata idilee fi dhaabilee deeggartoota irraa argame Birri miiliyoona 200 fi miliyoona 86 oliin hojjetamaa turan ta’uun himameera.

Awutoobisiin ummata magaalichaa tajaajilu lama bitamanii tajaajila hawaasaaf kennuu eegalaniiru.

Obbo Addisuu Araggaa ergaa dabarsaniin milkaa’ina hojiichaaf qaamoolee deeggarsa taasiisaanii fi haawaasa galateeffataniiru.

Magaalonni hundi bakka jireenyaaf mijatoo fi wabii nyataa mirkanaa’ee hawaasni keessa jiraatu, carraa hojii fi ogummaa babal’ifatu, diingdee kan maddisiisan akka ta’an mootummaan hojjachaa jira jedhaniiru.

Muluu Waaqshumeetu gabaase

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.