Sirni awwaalcha Dooktara Kabajaa Abbabach Goobanaa har’a raawwate

Finfinnee, Waxabajjii 29, 2013 (FBC)- Sirni gaggeessaa reeffa Dooktara Kabajaa Abbabach Goobanaa har’a addabaabaayii Masqaalaatti raawwachuu koreen awwaalchaa raawwatuu beeksise.

Sirni awwaalchaas Mana Amantaa Kiristiyaanaa Kaateediraali Qulqulluu Sillaaseetti raawwateera.

Guyyaa sa’aatii 6 hanga 8ttitti addabaabaayii Masqalaatti bakka hoggantoonni hojii mootummaa olaanoo, maatii fi firoottaan isaanii argamanitti gaggeessaan taasifamuu ragaan waldaa kunuunsa daa’immanii fi misoomaa  Abbabach Goobanaarra argamee ni muul’dhisa.

Dooktarri Kabajaa Abbabach Goobanaa sababa beela hamaa bara 1972 muudatee tureen daa’imman haadhaa fi abbaa malee daandirratti kufan 2 fudhachuun waldaa kunuunsaa fi misooma daa’immanii hundeessan.

Waggoottan 41 darbaniif daa’imman kumaataamaan lakkaawwaman guddisuun iddoo guddaa qaqqabsiisaniiru.

Sagantaa hiyyuummaa hir’isuu garaagaraan kutaa hawaasaa miiliyoona 1.5 oliif deeggarsa taasiisaniiru.

Haati miiliyoonootaa Dooktarri Kabajaa Abbabach Goobanaa hojii hojjetaniin waltajjii idil addunyaa garaagaraarraa badhoosota hedduu argataniiru.

Yuunvarsiitii Jimmaarraas Dooktara Kabajaa argataniiru.

Dooktarri Kabajaa Abbabach Goobanaa  vaayrasii koroonaan qabamanii Hospitaala Phaawuloosiitti kutaa yaala wallaansa cimaatti yaallamaa turuun Waxabajjii 27,2013 umrii waggaa 85ffaa isaanitti addunyaa kanarraa du’aan boqotaniiru.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.