Shaampiyoonsi Liigii Awurooppaan taphni har’a Intermiilaan – Arsenaal waliin taasisu ni eegama

Finfinnee, Onkololeessa 27, 2017 (FBC) – Taphoonni Shaampiyoonsi Liigii Awurooppaa marsaa 4ffaan guyyaa 2ffaan har’a itti fufuun ni taphatamu.

Har’a galgala sa’aatii 2:45 irraa jalqabee Biruuj – Astoon Viilaa, Shaakaataar Dooneskiin – Yaang Booyis waliin taphatu.

Halkan sa’aatii 5:00 jalqabee taphni Intermiilaan Istaadiyeemii Saansirootti Arsenaal keessummeessu xiyyeeffannoo argateera.

Dursaan kilaba Arsenaal Odigaard miidhama baatii lamaan booda har’a garichatti makamuu ibsameera.

Sa’aatuma walfakkaatuuti Baayerni Muunik – Beenefikaa, Feyinuurd – Reed Buul Saalizbarg, PSG – Atileetikoo Maadriid, Reed Istaar – Baarseloonaa, Ispaartaa Piraag – Birist, Istuutgaarti – Ataalaantaa waliin falmiin taasiisan ni eegama.

Tapha eda taphatameen Ispootiingiin galchii 4 fi 1Maanchiister Siitiin yoo injifatu, AC Miilaan galchii 3 fi 1n Riyaal Maadriid injifachuun kan yaadatamuudha.

#Oromia #Ethiopia