Shaampiyoonaan Atleetiksii Kilaboota Oromiyaa 11ffaan Magaalaa Naqamteetti gaggeeffamaa jira
Finfinnee, Bitootessa 8, 2013 (FBC) – Shaampiyoonaan Atleetiksii Kilaboota Oromiyaa 11ffaan Magaalaa Naqamteetti gaggeeffamaa jiraachuu Komishiniin Ispoortii Oromiyaa beeksiise.
Waldorgommii guyyoota 6f turu kanarratti kilaboonni naannichaa 17 hirmaataniiru.
Sháampiyoonaa Istaadiyeemii Wallaggaa Magaalaa Naqamteetti gaggeeffamaa jiru kun Shaampiyoonaa Atleetiksii Ityoophiyaa 50ffaa Atleetoota Oromiyaa bakka bu’uun hirmaatan filachuuf ta’uu ibsameera.
Dorgommii gaggeeffamaa jiru kanarratti Atleetoonni 500 ol hirmaataniiru jedhame.
Dorgommii fiigicha Kiiloo Meetira 10 dhiiroota gidduutti guyyaa kaleessaa gaggeeffameen Kilabiin Atleetiksii Magaalaa Suluultaa sadarkaa 1ffaan, Kilabiin Poolisii Oromiyaa fi Kilabiin Atleetiksii Magaalaa Duukam sadarkaa 2ffaa fi 3ffaan wal duraa duubaan xumuruu ragaan Komishinii Ispoortii Oromiyaarraa argame ni muul’isa.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.