Riifoormaniin fooyya’iinsa tajaajilaa fi bulchiinsaa dhaabbilee federaalaa 7’tti hojiirra oolfama jedhame

Finfinnee, Amajjii 22, 2016 (FBC)- Riifoormiin fooyya’iinsa tajaajilaa fi bulchiinsaa, dhaabbilee federaalaa torbatti kan hojiirra oolfamu ta’uu Koomishiniin Siviil Sarvisii ibse.

Riifoormii fooyya’iinsaa tajaajilaa fi bulchiinsaarratti waltajjii marii waloo Ministeeraa Maallaqaa fi Koomishinii Siviil Sarvisii gaggeeffameera.

Kaayyoon riifoormichaa gurmaa’insaa fi hojmaata dhaabbilee ammayyeesuun humna namaa ogummaa fi naamusaan ga’oome horachuun, hawaasaaf tajaajila bu’aa qabeessaa kennuun guddina biyyaa dhugoomsuuf ta’uun eerameera.

Ministirri Ministeera Maallaqaa Obbo Ahimad Shideen, yaalii hojiirra oolmaaf kan filame ministeerichi waajjira pirojektichaa hojiirra oolchuu hundeessuu, baajata ramaduu fi karoora baasuun saffisan hojiirra oolchuun akka barbaachisu dubbataniiru.

Fooyya’iinsi tajaajilaa fi bulchiinsaa, riifoormii biyyaalessaa kan keessummessuu danda’uu siviil sarviisii cimaa akka barbaachisu Ministir Deetaan Ministeerichaa Dooktar Iyyoob Takkaallinyi dubbataniiru.

Koomiishinarri Koomiishinii Siviil Sarvisii Dooktar Makuriyaa Haayilee gama isaaniin, Ministeera Maallaqaa dabalatee dhaabbilee federalaa torbatti riifoormiin tajaajila fi bulchiinsaa kan hojiirra oolfamu ta’u ibsaniiru.

#Oromiyaa #Itiyoophiyaa

Odeeffannoowwan waqtaawaa dabalataa argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.