Raayyaan Ittisaa wayita ajejni itti laatame tarkaanfii barbaachisu fudhachuuf ga’umsa qaba – Kolooneel Geetinnat
Finfinnee, Adooleessa 7, 2013 (FBC) – Raayyaan Ittisaa wayita ajejni itti laatame tarkaanfii barbaachisu fudhachuuf ga’umsa qabaachuu Daayreektarri Qunnamtii Ummataa Raayyaa Ittisaa Kolooneel Geetinnat Adaaneen ibsaniiru.
Raayyaan Ittisaa yeroo kamii fi maal raawwachuu akka qabu jabeessee beeka jedhan.
Raayyichi ajejni wayita itti laatame tarkaanfii barbaachisu fudhachuuf ga’umsa isa dandeessisurra jiraachuu kaasaniiru.
Olola miidiyaalee idil addunyaa dabalatee faca’aa jirUun hin burjaajofnu kan jedhan Kolooneel Geetinnat, hojmaaat labsii ba’een walfaalleessu hojjechuu dhiisuuf jecha wantoota hedduu dubbachuurra of qusachaa jirra jedhaniiru.
Raayyaan Ittisaa iddoo kamittii fi yeroo kam maal hojjechuu akka qabuU fi tarkaanfii akkamii fudhachuun akka barbaachisu jabeessee beeka jedhan.
Hanguma ololli faca’u deebii laachuun barbaachisaa akka hin taane eeraniiru.
Rakkooleen jabaachaa yoo dhufan garuu tarkaanfiin mootummaan fudhatu jiraachuu akka danda’u ibsaniiru.
Maddi:-DhPI
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.