Raayyaa ergama isaa sirriitti hubatee fi walaba ta’e ijaaruun danda’ameera-L/J Yilmaa Mardaasaa

Finfinnee, Mudde 16, 2017 (FMC)- Raayyaa cimaa ergama isaa sirriitti hubatee fi walaba ta’e ijaaruun danda’ameera jedhan Ajajaa Olaanaan Humna Qilleensaa Leetenaal Jeneraal Yilmaa Mardaasaan.

Leetenaal Jeneraal Yilmaa Mardaasaan raawwii ergama dhaabbatichaa fi kallattiiwwan hojii fuulduree irratti Qondaaltota Kutaalee garaagaraa Humna Qilleensaa waliin mari’ataniiru.

Miseensonni raayyichaa siyaasaa fi amantaarraa walaba ta’uu mirkanaa’uun, kaayyoo dhaabbataniif sirnaan hubachuu fi miira jaalala biyyaa ta’uu ibsaniiru.

Kutaalee dhaabbatichaa hundatti raawwiin ergamaa bu’aa qabeessi galmaa’aa jiraachuu ibsuun, hoggansarraa eegalee tokkummaan keessoo waliigalteerraatti bu’uureffate jiraachuun raawwichaaf gumaacha olaanaa akka taasise dubbataniiru.

Raawwii gaggaarii itti fufsiisuu fi hanqinaalee jiran irratti xiyyeeffachuun hojjechuun imala jijjiiramaa dhaabbatichaaf kan tattaafatan ta’uu hoggantoonni ibsuu ragaan Raayyaa Ittisa Biyyaarraa argame ni mul’isa.

#Oromia #Ethiopia