Raashiyaan tattaaffii Ityoophiyaan nageenya naannichaa mirkaneessuuf taasiiftu kan deeggartu ta’uu beeksiifte

Finfinnee, Eebila 3, 2013 (FBC) – Tattaaffii Ityoophiyaan nageenya naannoo ishee fi tasgabbii naannichaa mirkaneessuuf taasiiftu Raashiyaan kan deeggartu ta’uu Ityoophiyaatti Ambaasaaddarri Raashiyaa Yaavgaanii Tarkiin ibsaniiru.

Raashiyaan misooma Teeknooloojii Niiwkileeraa hojii nageenyaarra oolchuuf Ityoophiyaa waliin kan hojjettu ta’uu ibsaniiru.

Ityoophiyaan nageenya naannoo ishee eegsiisuuf hojii hojjechaa jirtuuf Raashiyaan deeggarsa adda hin cinne ni taasiifti jedhan.

Mootummaan Raashiyaa naannoo Gaanfa Afrikaatti hojii nageenyaa calmaatti cimsuuf deeggarsa barbaachisu kan taasiisu ta’uu himaniiru.

Raashiyaa fi Ityoophiyaan damee kanaan hariiroo bara dheeraa qabaachuu ibsaniiru.

Mootumman Raashiyaa naannichatti tattaafii nagaa buusuuf hojjetamu kallattii hundaan deeggarsa hundagaleessa ni taasiifti jedhani Dhaabbata Preesii Ityoophiyaa waliin turtii taasiisaniin.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.