Qonna Gannaaf xaa’oon biyyoo kuntaalli miiliyoonni 12 ol qonnaan bultootaaf raabsamaa jiraachuu ibsame

Finfinnee, Caamsaa 28, 2013 (FBC) – Qonna Gannaa bara oomishaa 2013/2014f xaa’oon biyyoo kuntaalli miiliyoonni 12 ol qonnaan bultootaaf raabsamaa jiraachuu Korporeeshiniin Hojiilee Qonna Ityoophiyaa beeksiiseera.

Korporeeshinichi bara oomishichaaf galteewwan qonnaa kanneen akka sanyii filatamaa, keemikaalootaa fi callaa guddiftuu garaagaraa qonnaan bultootaaf dhiyeessaa jiraachuu ibseera.

Bara kana Xaa’oo biyyoo akaakuu adda addaa kuntaala miiliyoona 18 fi kuma dhibbi 1 fi kuma 69 alaa galchuuf karoorfame keessaa hanga Caamsaa 24, 2013tti kuntaalli miiliyoonni 15 fi kumni 47 ol Buufata Jiibuutii ga’uu Korporeeshinichi eereera.

Kana keessaa kuntaalli miiliyoonni 12 fi kumni dhibbi 1 fi kumni 27 fi 510 karaa waldaalee hojii gamtaan qonnaan bultootaaf raabsamaa jiraachuu beeksiseera.

Kuntaalli miiliyoonni 6 ammoo yeroo itti aanu gara biyya keessaa kan galu ta’uu himeera.

Sanyii filatamaa gosti garaagaraa kuntaalli kumni dhibbi 2 fi kumni 48 fi 437 fayyadamtootaaf hiramaa jiraachuus ibseera.

Maddi:- TOI

Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.