Qilleensaarraa Humna Elektirikii Sa’aatii Giiggaa Waattii 353 ol maddisiisuun ibsame

Finfinnee, Amajjii 3, 2017 (FMC)-Baatiiwwan ja’an darban maddeen anniisaa qilleensaa afurirraa humna elektrikii sa’aatii Giiggaa Waattii 353.41 maddisiisuun akka danda’ame Humni Elektirikii Itiyoophiyaa beeksise.

Humni Elektirikii Itiyoophiyaa, Waajjira Ooppireeshinii Maddisiisa Humnaatti Hojii Raawwachiisaa Karooraa Xuruwarqi Shifarraawu akka ibsaniitti, humni elektirikii maddisiifame baatiiwwan ja’an darbanitti humna maddisiifame keessaa %2.6 kan qooddatu ta’uun ibsameera.

Haaluma kanaan Madda humna qilleensaa Adaamaa 1, Adaamaa 2, Ayishaa 2 fi Ashgoodaatti humni elektirikii maddisiifamuu Faana Dijitaaliif ibsaniiru.

Maddeen humna kunneen hanqinni roobaa yoo jiraatellee dhiibbaa rakkochaaf utuu hinsaaxilamiin waarinaan humna maddisuun akka danda’ame eeraniiru.

Yohaannis Darriboowutu gabaase.

#Oromia #Ethiopia