Proojektii hawaasa fayyadamoo taasiisu hojiirra oolchuuf waliigalteen Birrii miiliyoona 510 mallattaa’e
Finfinnee, Caamsaa 10, 2013(FBC) – Bulchiinsi magaalaa Finfinnee fi manni amantichaa Kiristiyaanaa Kaatooliikii kutaa lallabaa Finfinnee Proojektii hawaasa fayyadamoo taasiisu hojiirra oolchuuf waliigaltee Birrii miiliyoona dhibba 5 fi miiliyoona 10 mallateessaniiru.
Itti aantuun Kaantibaa magaalaa Finfinnee aadde Adaanachi Abeebee fi Kaardiinaaliin Mana Amantaa Kiristiyaana Kaatoolikii Birihaane Iyyasuus waliigalticha mallatteessaniiru.
Aadde Adaanach manni Amantichaa jiraattoota magaalaa Finfinnee galii gadi aanaa qaban fayyadamoo taasiisuuf hojii hojjechaa jiru galateeffataniiru.
Kaardiinaal Birihaane Iyyasuus gama isaaniin bulchiinsi magaalichaa lammiilee harka qalleeyyii nyaata nyaachisuuf hojiileen hojjetaa jiru jajjabeessaa ta’uu ibsaniiru.
Manni amantichaa warshaa daabboo guyyaatti daabboo kuma dhibba 1 fi kuma 50 oomishuu danda’au, oolmaa daa’immannii 8, manneen barnootaa sadarkaa 1ffaa fi 2ffaa, Koolleejjii ogummaa fi Teeknikaa, giddugala oolmaa dargaggootaa ijaarsiisuuf Birrii miiliyoona dhibba 5 fi miiliyoona 10 baasii taasiisuuf waliigaltee mallatteessuu ragaan Waajjira Seekreetariyaa Preesii magaalaa Finfinneerraa argame ni agarsiisa.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.