Proofeesar Hiruut gamtaa Afrikaatti komishinara barnootaa, Saayinsii, teeknooloojii fi kalaqaaf duula nafiladhaa gaggeessaa jiru

Finfinnee, Amajjii 25, 2013 (FBC) – Proofeesar Hiruut Waldamaariyaam gamtaa Afrikaatti komishinara barnootaa, Saayinsii, teeknooloojii fi kalaqaaf duula nafiladhaa gaggeessaa jiru.

Ityoophiyaan komishinara gamichaaf Proofeesar Hiruut Waldamaariyaam kaadhimammuummaan dhiyeessitee jirti.

Sagantaa duulichaarratti kan argaman itti aanaan Muummee Ministiraa fi Ministirri Ministeera Dhimma Alaa obbo Dammaqaa Makonniin, Komishiniin barnootaa, Saayinsii, teeknooloojii fi kalaqaa gamtaa Afrikaa daldala bilisaa Ardii Afrikaa fi naannichaa hojiirra oolchuuf teeknooloojiin deeggaruu keessatti shoora olaanaa qabaachuu ibsaniiru.

Ityoophiyaan carraa kanatti fayyadamuun ardicha tajaajiluuf qophii barnootaan, dandeettiin hoggansaa fi muuxxannoo olaanaa kan qaban Proofeesar Hiruut Waldamaariyaam kaadhimammuummaan dhiyeessuu dubbataniiru.

Obbo Dammaqaan muuxxannoo fi iddoolee Proofeesar Hiruut Waldamaariyaam itti tajaajilaa turanii fi amma hojjechaa jiran ibsa taasiisaniiru.

Saganticharratti Ministiroonni, dippiloomaatoonni, namoonni bebbekkamoo fi keessummoonni kabajaa biroo argamaniiru.

Fuula Feesbuukii Keenyan Dabalata Odeeffannoo Waqtaawaa Argachuuf;

Teelegraama Keenya Https://T.Me/Afanoromofana Subiskiraayib Godhaa.

Karaa Yuutyuubii Keenyan Nu Hordofuuf FBC Afaan Oromoo Https://Www.Youtube.Com/C/Fanabroadcastingcorporate/ Subiskiraayib Godhaa.

Karaa Marsariitii (Weebsaayitii) Keenya Fanabc.Com/Afaanoromoo Nu Hordofaaa.

Twiitara Keenya Https://Twitter.Com/Fanatelevision Nu Duukaa Bu’aa

Yeroo Maraa Nu Waliin Waan Taataniif Isin Galateeffanna.!