Preezdaant Saahilawarq Zawdeen waggaa 10ffaa Hidha Haromsaa Guddichaa sababeeffachuu erga baga geessanii dabarsan

Finfinnee, Bitootessa 24, 2013 (FBC)- Preezdaantiin FDRI Saahilawarq Zawdeen waggaa 10ffaa Hidha Haromsaa Guddichaa sababeeffachuu erga baga geessanii dabarsaniiru.

Ijaarsa Hidha Haaroomsaa Guddichaa Ityoophiyaaf guyyaa itti dhagaan bu’uraa ka’aamee waggaa 10ffaan isiin ga’ee jedhaniiru.

Preezdaanttittiin biyyi keenya Ityoophiyaan qaabeenyaa bishaanii itti badhaatee keessaa inni tokko bishaan Abbaay jedhaniiru.

Ityoophiyaannoonni qabeenyaa umaama isaanii kan ijaaruun sadarkaa amma jirurran ga’uun kan abdii isaanii irra ka’ataniidhas jedhaniiru.

Ergaa isaaniitin as ga’uuf waggootan kurnan darbaanitti bu’a ba’ii hedduu fi qormaatileen hedduu darbinee ijaarsa hidha haaromsichaa marsaa jalqabaatin guutinsii bishaaniif qaqqabneerra jedhan.

Amma ammoo qophiin keenya guutiinsa bishaanii marsaa 2ffati jedhaniiru.

Ijaarsi hidhicha humna bishaanii fayyadamuu Ityoophiyaa hiyyummaa keessaa baasuun uummanni keenya jireenya fooyya’a akka jiraatuuf shooraa olaanaa qaba jedhaniiru.

Hidhichi biyyoota yaa’aa gadirra lolaa ittisuu fi karaa garagaraatin fayyadamoo ni taasisaa jedhaniiru.

Ityoophiyaan hidhicha karaa haqaa qabeessaa ta’een biyyoota yaa’aa gadii waliin fayyadamuuf waamicha ni dhiyeessiti jedhaniiru.

Yeroon amma irra jirru waloon dhaabbachuu fi tokkummaa keenya kan itti argarsiisu qabnuudha jedhaniiru.

Waggoottan saglan darbanitti Birrii biiliyoonni 1 ol walitti qabuun danda’amuu ibsuun, kakka’umsii uummataa olaanaa ta’uu himaniru.

Ijaarsi hidhicha sadarkaa kanarra akka ga’uuf qaamolee shooraa isaanii ba’aataniis galateeffataniiru.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofanaYuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.