Pireezidaantonni Naannoolee ergaa baga geessanii dabarsan

Finfinnee, Mudde 28, 2017 (FMC) – Pireezidaantoonni Naannoolee garaagaraa Ayyaana Qillee sababeeffachuun ergaa baga ittiin isin gahee dabarsaniiru.

Mootummaan naannoo kibba ergaa dabarseen, iyyesuus Kiristoos dhalachuun abdiin fayyinaa kan itti raawwatee fi guyyaa barri araaraa itti lallabameedha jedhe.

Wayita guyyaa dhalachuu Iyyesuus Kiristoos kabajnu jaalalaa ,dhiifamaa, nagaa fi haaloo dhiifamaan ce’uun ta’uu akka qabu ibseera.

Haaluma wal fakkattuun Pireezidaantiin Naannoo Ummatoota Kibba Lixa Itiyoophiyaa Dooktar Injiinar Nagaash Wageeshoon gamasaaniin dhalachuun Iyyesuus Kiristoos du’a dhala nama gara jireenyaatti kan jijjiiree fi dukkanarraa gara ifaatti kan dabarseedha jedhan.

Wayita ayyannicha kabajnu wal deeggaruu fi waliif yaaduun nageenyaa fi tokkummaa biyyaalessaaf waloon dhaabbachuun ta’uu akka qabu dhaamaniiru.

Akkasumas Pireezidaantiin Naannoo Giddugalessa Itiyoophiyaa Obbo Indaashew Xaasew ergaa dabarsaniin, wayita ayyaannicha kabajnu hojiilee gama hundaan hojjetamaa jiran tumsuun guddina Itiyoophiyaa dhugoomsuuf tattaafachuu qabna jedhan.

#Oromia #Ethiopia