Paartileen lameen walta’iinsa isaanii cimsuuf waliigalan

Finfinnee, Onkololeessa 23, 2017 (FBC)- Paartiin Badhaadhinaa fi Paartiin Komunistii Chaayinaa walta’iinsa isaanii cimsuuf waliigalan.

Hoggantoonni Olaanoo Paartii Badhaadhinaa dawwannaan Chaayinaatti taasisan milkaa’aa akka ture Pireezidaantii Itti Aanaan Paartii Badhaadhinaa fi Itti Gaafataman Giddugala Qindeessaa Ijaarsa Sirna Diimookiraasii Obbo Adam Faaraah himan.

Obbo Adam Faaraah gama miidiyaa hawaasummaa isaaniin akka ibsanitti, daawwannaan hoggantoonni paartichaa Chaayinaatti taasisan milkaa’inaan xumurameera.

Turtii isaaniin haala faayidaa biyyaalessaa Itiyoophiyaa kabachiisuu danda’uun, hariiroo paartii fi paartii, mootummaa fi mootummaa, ummataa fi ummataa Itiyoophiyaa fi Chaayinaa gidduu ilaalchisee mariiwwan bu’aa qabeessa ta’an gaggeessuu kaasaniiru.

Mariiwwan gamlamee gaggeeffaman, dawwannaa dirree fi waltajjiiwwan muuxannoo waljijjiirraan yaadama mandhaleen hojii ijaarsa mootummaa cimsuu, hojiilee raawwii walta’iinsa tarsiimawaa hinraafamne cimsuu irratti marii bal’aan gaggeeffamuu kaasaniiru.

#Oromiyaa #Ethiopia