Paartileen bulchitoota Chaayinaa fi Raashiyaa yaa’ii Paartiin badhaadhinaa gaggeessaa jiruuf hawwii gaarii qaban ibsan

Finfinnee, Bitootessa 3, 2014 (FBC)- Paartiin Koministii Chaayinaa fi Paartiin Yuunaaytiid  Raashiyaa Paartii badhaadhinaa yaa’ii gaggeessaa jiruuf yaa’ii milkaa’aa akka ta’uuf haawwii gaarii qaban ibsaniiru.

Koreen giddugalaa paartii koministii Chaayinaa ergaa paartichaaf ergeen milkaa’ina yaa’ichaaf hawwii gaarii qabu ibseera.

Paartii Badhaadhinaa hariiroo paarticha waliin qabuun fayyadamaa ta’u ibsuun, hariiroo qaban  gabbisuun ajandoota misoomaaf oolchuuf Paartii Badhaadhinaa waliin hojjechuuf qophii ta’uu mirkaneesseera.

Waliigalaan tumsii imaammataa Ityoophiyaa fi Chaayinaa caalmaan akka cimuuf paartileen lamaan waloon hojjechuun fayyadamoo akka ta’aan ergichaan darbeera.

Haaluma walfakkatuun Paartiin Yuunaaytiid Raashiyaa preezdaantii paartii badhaadhinaa fi Muummee Ministiraa FDRI Abiy Ahimadiif ergaa dabarsaniin yaa’ichi Ityoophiyaanoota kan fayyaduufi murtoowwan barbaachisaa ta’aan kan itti darbuuf abdii qabachuu beekameera.

Ityoophiyaa :- Haa Misoomsinu, Haa Ijaarru, Haa qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.