Paartiin Badhaadhinaa hariiroo fi walta’iinsaa Itiyoo-Jibuutii guddisuuf kutannoo qaba-Obbo Adam Faaraah

Finfinnee, Guraandhala 30, 2016 (FBC)- Paartiin Badhaadhinaa hariiroo fi walta’iinsaa Itiyoophiyaa fi Jibuutii guddisuuf kutannoo qabaachuu Pireezidaantiin Ittaanaa Paartii Badhaadhinaa Obbo Adam Faaraah ibsan.

Obbo Adam Faaraah kabaja hundeeffamaa waggaa 45ffaa Paartii RPP Jibuutii irratti ergaa dabarsaniin, ollummaa, obbolummaa, walta’iinsaa fi fayyadamummaan waloo ummatoota biyyoota lameenii milkaa’aa fi bu’aa qabeessa akka ta’uuf hariiroo fi walta’iinsi paartilee lameenii akka cimuuf gaafataniiru.

Seenaa Paartii RPP waggoota 45’n darbaniin biyyoota ollaa fi hawaasaa idil addunyaa waliin guddina, nageenya, tokkummaa ummatootaa, waloomaa fi walta’iinsa qabaachuu, kutannoofi qabatamaan kan argisiise ta’uu dubbatan.

Hoggansi Pireezidaantii Jibuutii Ismaa’eel Omar Gelleen durfamuun bu’aa argisiisaa jiraachuu fi Jibuutiin giddugala daldalaa faayida qabeessaa akka taatu, fakkeenya tasgabbii fi daandii guddina akka taatuuf tataaffii taasisuu ragaa kan ba’an ta’uu himan.

Jibuutiin biyyoota ollaa waliin ta’uun walitti hidhamiinsa Gaanfa Afrikaa fi fayyadamummaa waloof pirojketoota akka buufata doonii, sarara geejjiba baaburaa fi daandiiwwan ijaaraman dinqisiifataniiru.

Waggottaan darban bu’aawwan injifannoo waloon galmaa’an irratti walta’uun qormaatilee addunyaarratti mudatan injifachuun murteessaa ta’uu himaniiru.

Gufuuwwan diinagdee addunyaa, shororkeessummaa fi sodaawwan nageenyaa biroo, jijjiirama qabeenya qilleensaa fi mancaatii qabeenya umamaa, sodaawwan teeknooloojii fi gidduseentumma qajeeltoo hinqabneef walta’iinsa cimsuun barbaachisaadha jedhan.

Gufuulee kanneen furuun cichoominaa kan gaafatu ta’uu ibsuun, qajeeltoowwanii fi duudhaalee tokkumaa cimsan kanneen akka bilisummaa, haqa, walqixxummaa, faayidaa ummataa deeggaruu, obbolummaan waltmsuu, kalaqaa fi qabeenya jiran ilaalchisee, Itiyoophiyaan olloota ishee waliin qabeenya bishaan, elektirikii, oomishalee garaagaraa fi kanneen biroo waloon itti fayyadamuu kan cimsitu ta’uu mirkaneessaniiru

Paartiin Bdhadhinaa paartii RPP fi guddina, misooma, tokkummaa fi badhaadhina ummata Jibuutiif kan hawwuun kan hawwu ta’uu eeranii, kaayyoo fi mul’ata waloof tumsa kan taasisudha jedhaniiru.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.