Olompikiin Paaris 2024 har’a ifatti banama

Finfinnee, Adoolessa 19, 2016 (FBC)- Olompikiin Paaris 33ffaan har’a galgala sa’aatii 2:30 irraa eegale sagantaa garaagaraan ni banama.

Jilli Atileetiksii Itiyoophiyaa marsaa jalqabaa guyyaa kaleesaa Faransaay Paaris galuun ni yaadatama.

Sirni baniinsa Olompikicha haala addaan Istaadiyeemiin alatti Kibbaa Faransaay Laga Seeyinirratti qophii addaan kan banamu ta’uu koreen qopheessitoota beeksisaniiru.

Jilli Atileetiksii biyyoota 206 irraa achitti argame kumni 10 ol laga Seeyinirra kan bashannansiisan Dooniiwwan 90 ol qophaa’uunis eerameera.

Sirnicharratti namoonni kuma 300 ol kan hirmaatanii fi namoonni biiliyoonni 1 immoo tamsaasa kallattiin kan daawwatan ta’uun eerameera.

Olompikicharratti dorgommiiwwan Ispoortii 32 kan gaggeeffaman ta’uun korichi ibseera.