Obbo Zaadig Ministira Dhimma Alaa Sudaan Kibbaa waliin mari’atan

Finfinnee, Onkololeessa 4, 2015 (FBC) – Waajjira Muummee Ministiraatti, Ministirri Qindeessaa Ijaarsaa Sirna Diimokiraasii Obbo Zaadig Abrahaa Ministira Dhimma Alaa fi Qindeessaa Hariiroo Idil Addunyaa Sudaan Kibbaa Maayik Ayhii Deengaa waliin mari’ataniiru.

Obbo Zaadig dippilomaasii magariisaaf gara Juubaatti kan imalan yoo ta’u, saganticha cinaatti qondaaltota olaanoo mootummaa Sudaan Kibbaa garaagaraa waliin mari’ataniiru.

Obbo Zaadig Ministiraa Dhimmaa Alaa fi Qindeessaa Hariiroo Idil Addunyaa Sudaan Kibbaa waliin kan mari’atan yoo ta’u, marii isaaniin, Ityoophiyaa fi Sudaan Kibbaa hariiroo cimaa akka qaban kaasaniiru.

Obbo Zaadig dippilomaasii misooma magariisaa cimsuu fi dhimmoota hedduurratti mootummaan itti dhiyeenyaan akka hojjetu eeruun, hariiroo ummataa biyyoota lameen gidduu cimsuuf walta’iinsa dameewwan hundaa babal’isuu barbaachisa jedhaniiru.

Dabalataan ministirichi, Ministiraa Dargaggootaa fi Ispoortii Sudaan Kibbaa waliin mari’ataniiru.

Ityoophiyaan sagantaan diinagdee Magariisaa jalqabde, akka babal’atuu fi eegumsaa qabeenyaa umamaa akka cimsu ibsuu ragaan Waajjira Dubbii Himaa Ministeera Dhimma Alaarraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.