Obbo Aganyahu Tashaagar qophii kabaja ayyaana Sabaaf Sablammootaa daawwatan
Finfinnee, Sadaasa 27, 2017 (FMC) – Af Yaa’iin Mana Maree Federeeshiinii Obbo Aganyahu Tashaagar qophii kabaja ayyaana Sabaaf Sablammootaa 19ffaaf Magaalaa Aarbaa Mincitti taasifamaa jiru daawwataniiru.
Iddoolee sagantaan ayyaanichaa itti gaggeeffamutti qophiilee taasifamaa jiru daawwataniiru.
Pireezidaantiin Naannoo Kibba Itiyoophiyaa Obbo Xilahuun Kabbadaa, Af Yaa’iin naannichaa Aadde Tsahaay Waraasaa dabalatee hoggantoonni olaanoon naannolee fi mootummaa federaalaa daawwannicharratti argamaniiru.
Guyyaan Sabaaf Sablammoota Itiyoophiyaa 19ffaan sadarkaa biyyaalessaatti mata duree ‘Waliigaltee Biyyaaleessaa Tokkummaa Sabdaneessaaf’ jedhuun Sadaasa 29, 2017 magaalaa Aarbaa Mincitti kabajama.
#Oromia #Ethiopia