Obbo Adam Faaraah Itti Aanaa Itti Gaafatamaa Mana Maree Ummataa Chayinaa waliin mari’atan

Finfinnee, Onkololeessa 20, 2017 (FBC)- Pireezidaantii Itti Aanaa fi Itti Gaafatamaan Giddigala Qindeessaa Ijaarsa Sirna Diimookiraasii Obbo Adam Faaraah, Itti Aanaa Itti Gaafatamaa Mana Maree Ummataa Chayinaa Lii Hoongizhoongi waliin mari’ataniiru.

Maricharratti Obbo Adam Faaraah, Itiyoophiyaa fi Chaayinaan hariiroo damee hedduu wal amantaa fi faayidaa waloorratti bu’uureffate kan qaban ta’u ibsaniiru.

Hariiroon kunis yeroo gara yerootti dagaagaa dhufuu fi yeroo ammaa Chaayinaan madda invastimantii alaa, qabeenyaa namaa fi kontiraataa adda duree ta’uu kaasaniiru.

Itiyoophiyaan Chaayinaa waliin hariiroo qabdu bu’uureffachuun ijaarsa bu’uuraalee misoomaa, liqaa dhala gadaanaa, daldalaa fi ce’umsa teeknooloojiin fayyadamtuu ta’uu himaniiru.

Oomishaleen Itiyoophiyaa hedduunis gabaa Chaayinaarratti fudhatama argachaa dhufuu akeekuu ragaan paartii badhaadhinaarraa argame ni mul’isa.

#Oromia #Ethiopia