Nageenya waaraa magaalotaaf tumsi abbootii amantaa fi jaarsolii biyyaa murteessaadha-Dooktar Yiliqaal Kaffaalaa

Dooktar Yiliqaal jiraattota, abbootii amantaa, jaarsolii biyyaa waliin Magaalaa Goondaaritti mari’ataniiru.

Dhiyeenya Magaalaa Goondaritti amantaa da’eeffachuun rakkoo mudatee tureen, miidhaan caaluu utuu hinga’in akka dhaabbatuuf tattaaffii jaarsoliin biyyaa fi abbootii amantaa taasisan olaanaa ta’uu eeran.

Haaluma walfakkaatuun, kanaan duraas walitti bu’iinsa mudatee tureen, lammiilee qe’ee fi qabeenya isaaniirraa buqqa’an deebisuun dandamachiisuuf hojiilee hojjetaman keessatti gaheen abbootii amantaa fi jaarsolii biyyaa olaanaadha jedhaniiru.

Nageenya magaalota naannichatti argamanii amansiisaa taasisuu fi guddina fooyya’aaf akka tattafatan gochuuf gurmaa’inaaleen dhaabbilee garagaraa cimanii hojjechuu akka qaban hubachiisaniiru.

Kibirawasan Nuuruutu gabaase

Fuula Feesbuukii keenyaan odeeffannoo waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.