Naannoo Hararitti Onkololeessa 29, 2014 eegalee dhorkamoota hojiira oolmaa labsii yeroo ariifachiisaa ilaalchisee qajeelfamni ba’eera

Finfinnee, Onkololeessa 28, 2014 (FBC) – Ajeejni Qajeelcha labsii yeroo ariifachiisaa naannoo Hararii ibsa laateera.

Qajeelfamni sadarkaa federaalaa darbu akkuma jirutti ta’ee naannoo Hararitti Onkololeessa 29, 2014 eegalee dhorkamoota hojiira oolmaa labsii yeroo ariifachiisaa ilaalchisee qajeelfamni ba’uu himameera.
Haaluma kanaan:-
1. Qaamolee Nageenyaan ala lafa deemtoonni kamiiyyuu halkan sa’aatii 4:00 hanga sa’aatii 11:00tti socho’uun dhorkaa ta’uu,

2.Konkolaachiftoota Ambuulaansii fi qaamolee nageenyaan ala konkolaattoonni kamiiyyuu halkan sa’aatii 4:00 hanga sa’aatii 11:00tti socho’uun dhorkaa ta’uu,

Konkolaattoonni gurguddoon daangaa qaxxaamuran daandii duuba magaalichaa fayyadamuu akka danda’an,

3.Taaksiiwwanii fi konkolaattoonni abbaan miila sadii gabatee naannichaa ala ta’an gara naannichaa seenuun dhorkaadha, kanneen gabatee naannichaa qaban gara naannolee birootti seenuun dhorkaa ta’uu,

4.Dhaabbilee Fayyaa fi Manneen kuusaa Qorichaan ala manneen daldalaa kamiiyyuu halkan sa’aatii 4:00 hanga sa’aatii 11:00tti tajaajila laachuun dhorkaa ta’uu ajejichi ibseera.

Naannoo keessaan eegaa!

Gara adda waraanaatti duulaa!

Raayyaa Ittisa Biyyaa deeggaraa!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.