Moozaambiikitti Rooba Omboboleessa cimaan walmakee roobeen Lubbuun namoota 73 darbe

Finfinnee, Mudde 11, 2017 (FMC) – Kaaba Moozaambiikitti Rooba Omboboleessa cimaan walmakee roobeen Lubbuun namoota 73 darbuu Mootummaan biyyattii beeksise.

Balicha hordofee har’a halkanii eegalee guyyoota lamaaf gaddi biyyaaleessaa labsameera.

Magaaloota Kaaba Moozaambiikitti argaman Kaaboo Deelgaadee, Naampuulaa fi Niyaasaa jedhamanitti namoota miiliyoona 1.3 irra miidhaan qaqqabuu gabaafameera.

Akka Dhaabbanni Ittisa Balaa biyyaalessaa biyyattii beeksisetti, balichaan Manneen jireenyaa kumni 36 fi 207, Hospitaalonni 48, Bidiruuwwan 171, Bu’uuraaleen tajaajila Elektirikaa fi bishaanii hedduun barbadaa’aniiru.

Biyyattiitti bara Faranjootaa 2019 balaa walfakkaatu mudateen lubbuun namoota 602 darbuu fi namoonni miiliyoonni 3 ol qa’ee fi qabeenya isaanirraa buqqa’uu East African News gabaaseera.

#Oromiyaa #Ethiopia