MM Dr Abiy Ahimad bakka buutota godina Silxee waliin mari’atan
Finfinnee, Gurraandhala 11, 2012 (FBC) – Muummee ministiraa Dooktar Abiy Ahimad bakka buutota godina Silxee waliin mari’atan.
Dooktar Abiy bakka buutota ummataa aanaalee godinichaa addaddaa 1,000 ta’an waliin mari’ataniiru.
Jalqaba marichaarratti jiraattonni Jimmaa, Harargee, Somaalee fi bakkeewwan biroo jijjiirrama dhufaa jiruuf deeggarsa taasisuu ibsaniiru.
Nageenya biyyaa kabachiisuun barbaachisaa ta’uu deeggarsichaan ergaan darbuu fi isaanis fudhachuu ibsaniiru.
Marichaan gaaffilee fi yaadolee hedduun hirmaattotarraa ka’aniiru.
Gaaffileen bu’uuraalee misoomaa, bulchiinsa gaarii, haala waqtaawaa biyyaarratti xiyyeeffatan ka’anii muummee ministiraa Dooktar Abiy Ahimadis ibsaa fi deebii laataniiru.
Mootummaan humna qabuun gaaffii fi fedhii ummataa deebisuuf kan hojjetu ta’uu ibsaniiru.
Gaaffileen bulchiinsa naannoo, naannoo Kibbaatti ka’an qorannoorratti hundaa’uun kan deebi’an ta’uu ibsan muummee ministiraa.