MM Abiy Ahimad hoggantoota Baankii Addunyaa fi Dhaabbata Maalllaqaa Addunyaa waliin mari’atan

Finfinnee, Waxabajjii 16, 2015 (FBC)-Muummeen Ministiraa FDRI Abiy Ahimad Pireezidaantii Baankii Addunyaa Aajaay Baangaa waliin mari’ataniiru.

Muummeen Ministiraa Abiy Ahimad gama miidiyaa hawaasummaa isaaniin akka ibsanitti, Pireezidaanticha waliin dhimmoota garaagaraatti mari’ataniiru.

Baankichi, jijjiirama qilleensaa, weerara, walitti bu’iinsa fi gufuulee biroof ergama deebii kennuu akka qabaatuuf Ityoophiyaan akka jajjabeessitu mirkaneessaniiru.

Haaluma walfakkaatuun Ittigaafatamtuu Dhaabbata Maalllaqaa Addunyaa Kiristaaliinaa Joorjee waliin mari’achuu ibsaniiru.

Dhaabbatichi rakkoolee jijjiirama qilleensaaf deebii kennuuf tattaaffii cimaan taasisuu fi deeggarsi fuulduraatti taasisu kan jajjabeeffaman ta’uu eeraniiru.

Muummeen Ministiraa Abiy Ahimad fi Aajaay Baangaan Yaa’ii Waliigaltee Haaraa Faayinaansii Idil Addunyaa Faransaay Paarisitti gaggeeffamaa jiru cinaatti kan mari’atan ta’uun eerameera.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.