Miseensota Inshuraansii fayyaa miiliyoona 25.9 horachuun danda’ameera-Pir. Shimallis

Finfinnee, Adoolesaa 3, 2015(FBC)- Miseensota inshraansii fayyaa waliigalaan miiliyoona 25.9 horachuun akka danda’me Pireezidaantiin Naannoo Oromiyaa Obbo Shimallis Abdiisaan dubbatan.

Caffeen Yaa’ii idilee 5ffaa waggaa 2ffaa gaggeessaa jira.

Yaa’icharratti Obbo Shimallis Abdiisaan gabaasa raawwii mootummaa naannichaa dhiyeessaniin gama inshuraansii fayyaan fayyadamtoota abbaa warraa miiliyoona 5.4 fi miseensonni waliigalaa miiliyoona 25.9’n ga’un akka danda’ame eeraniiru.

Kanaan walqabatees, miseensota waliigalaarraa Birrii biiliyoona 1.76 walitti qabuun akka danda’ame kaasan.

Rakkoo dhiyeessii qorichaa fi meeshaalee yaalaa naannichaa furuuf bara 2015’tti manneen qorichaa moodela hawaasaa haaraa 220 xumuruun tajaajilaa hawaasaaf kennuu eegaluu ibsaniiru.

Waliigalaan manneen qorichaa moodela hawaasaa naannichaa yeroo ammaa 356 irra ga’uu himaniiru.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.