Miseensota Alshabaab 81 hidhaa cimaa waggaa 12 hanga waggaa 20’n akka adabaman murtaa’e

Finfinnee, Mudde 17, 2017 (FMC)- Gochaa Shorkeessummaaf socho’aa kan turanii fi Raayyaa Ittisa Biyyaa fi Poolisii Naannoo Somaaleen kanneen to’atamanii turan miseensota Alshabaab 81 hidhaa cimaa waggaa 12 hanga waggaa 20’n akka adabaman Manni Murtii Federaalaa itti murteesse.

Ministeeraa Haqa Waajjira Damee Dirree Dhawaatti Abbaan Alangaa Dhimmoota Yakka Gurmaa’ee fi Daangaa Ce’oo galmee himannaa Muktaar Abii jalatti miseensota Alshabaab 81  shororkeesummaan himachuun ni yaadatama.

Haaluma kanaan yakkii isaanii ilaalamaa turuun Manni Murtii Federaalaa Ramaddii Dirree Dhawaa dhaddacha ooleen himatamottoota 18 hidhaa cimaa waggaa 20’n akka adabaman yoo itti murteessu, kanneen hafan akkaataa sadarkaa isaaniin hidhaa cimaa waggaa 12, 13, 15 fi 18’n akka adabaman itti murteesseera.

Taarik Addunyaatu gabaase.

#Oromia #Ethiopia