Miseensonni WBO karaa nagaan galuu itti fufaniiru
Finfinnee, Sadaasa 29, 2017 (FMC)- Waliigaltee Mootummaa fi WBO gidduutti taasifame hordofee miseensonni WBO karaa nagaan galuu itti fufaniiru.
Haaluma kanaan Godina Shawaa Lixaa Aanaa Ada’aa Bargaatti Miseensonni WBO gala jiraachuun eerameera.
Miseensota karaa nagaan galanis ummanni ba’uun simannaa taasia jiraachuu ragaan Paartii Badhaadhinaa Damee Oromiyaarraa argame ni mul’isa.
Kana malees, miseensota WBO Aanaalee Godina Qellem Wallaggaa irraa galaa jiraniif Magaalaa Dambii Doollootti uummataan simannaa ho’aan taasifamee jira jedhameera.
Godina Shawaa Kaabaa Aanaa Kuyyuutti miseensonni WBO karaa nagaa gala jiraachuu ibsamuu ragaan Kominikeeshinii Oromiyaarraa argame ni mul’isa.
#Oromia #Ethiopia