Misaa’ela Ameerikaa fayyadamuun haleellaa Yuukreen Mooskorratti raawwatteef tarkaanfii haloo bahuu kan fudhattu ta’uu Raashiyaan beeksifte

Yuukreen eeyyama Pireezidaantii Ameerikaa Joo Baayidanirraa argatteen guyyaa kaleessaa Misaa’ela fageenya dheeraan Raashiyaa haleeluun ni yaadatama.

Kana hordofee waraanni Raashiyaa – Yuukreen caalmaatti hammaachuu ibsameera.

Raashiyaan haleellaa raawwatameef deebii madaallawaa kan laattu ta’uu ibsiteerti.

Haleellaan misaa’ela Ameerikaan Raashiyaarratti raawwatame gochaa itti gaafatamummaa hin qabne biyyoonni Lixaa Raashiyaarratti raawwatani jechuun balaalleffatte.

Gochichi waraana haaraa biyyoonni Lixaa Mooskorratti labsan ta’uu eeruun, tarkaanfiin madaallawaa ta’e sadarkaan kan fudhatamu ta’uu akeekkachiisuu Al Jazeera gabaasera.

#Oromia #Ethiopia