Ministeerichi walta’iinsa Sagantaa Misoomaa Addunyaa waliin qabu cimsuuf waliigale

Finfinnee, Eebla 9, 2015 (FBC)- Ministeerri Pilaanii fi Misoomaa, walta’iinsaa sagantaa Misoomaa Dhaabbata Mootummota Gamtoomanii Waliin qaban cimsuuf waliigalteera ga’aniiru.

Ministirri Pilaanii fi Misoomaa Dooktar Fitsum Asaffaan Ityoophiyaatti Daayrektara Sagantaa Misoomaa Dhabbata Mootummoota Gamtoomanii Turhaan Saalahi waliin mari’ataniiru.

Marii isaaniinis dhimmoota waloon hojjetan gamaaggamaniiru.

Keessumaa ijaarsa dhaabbilee, ga’umsa ogeeyyii dabaluu, ga’umsa xiinxala imaammataa fooyyessuu, dameewwan istaatistiksii fi odeeffannoorratti hojiilee hojjetaman gamaaggamaniiru.

Sagantaan Misoomaa dhaabbata mootummoota gamtoomaniis, misooma Ityoophiyaa deeggaruu keessatti gahee olaanaa kan qabu ta’uu kan kaasaan, Dooktar Fitsum, deeggarsa kanas cimsee akka itti fufu gaafataniiru.

Ityoophiyaatti Daayrektarri Dhaabbatichaa Turhaan Saahilee gama isaaniin, kanaan dura sagantaa misoomaa guddinaa Ityoophiyaa saffisiisuuf hojiilee misoomaa mootummaan hojjetu deeggaraa turuu fi kanas cimsee kan itti fufu ta’uu dubbataniiru.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.