Ministirri Maallaqaa Ministira Walta’iinsa Misoomaa Idil Addunyaa Siwiidiin waliin mari’atan

Finfinnee, Waxabajjii 11, 2014 (FBC) – Ministirri Ministeera Maallaqaa Obbo Ahimad Shidee, Ministira Walta’iinsa Misoomaa Idil Addunyaa Siwiidiin Maatiildaa Arnikiraansi waliin mari’atan

Walta’iinsa misoomaa biyyoota lameen gidduutti uumuuf haalota dandeessisanirratti mari’ataniiru.

Wayita marii isaanittis, Ityoophiyaa naannawaa walitti bu’iinsi uumametti deeggarsa namoomaa dhiyaachaa jirurrattis yaada waljijjiiraniiru.

Deeggarsa namoomaa naannawaa hongeen mudatee fi kutaa Kaabaa biyyattiitti daandiin dabarsaa deeggarsaa akka jiraatuuf hojiilee hojjetaman irrattis mari’ataniiru.

Ministirri Walta’iinsa Misoomaa Idil Addunyaa Siwiidiin Maatiildaa Arnikiraansi, deeggarsaa namoomaa qaqqabsisuu fi adeemsa nageenyaarratti jijjiirama mul’atu dinqisiifataniiru.

Mootummaan Siwiidiinis misoomaa fi deeggarsa namoomaa ittifufsiisuuf kutannoo qabu ibsuu isaanii Ragaan Ministeera Maallaqaarraa argame ni mul’isa.

Odeeffannoowwan waqtaawaa dabalataa argachuuf:

Telegraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuuki:https://www.facebook.com/afaanoromoofana/

Yeroo mara nu waliin waan taataniif isin galateeffanna.