Ministeerri Fayyaa Fandii Giloobaalii waliin waliigaltee deeggarsa Birrii biiliyoona 25 mallatteesse
Finfinnee, Waxabajjii 11, 2016 (FBC) – Ministeerri Fayyaa Fandii Giloobaalii waliin dhibeewwan TB, HIV fi Busaa ittisuuf kan oolu waliigaltee deeggarsa Birrii biiliyoona 25 mallatteesseera.
Ministirri Ministeera Fayyaa Dooktar Maqdas Dhaabaa fi Fandii Giloobaalitti Itti Gaafataamaan Damee Afrikaa Liindoon Mooriisan waliigalticha mallatteessaniiru.
Fandiin Giloobaalii waggoottaan kurnan lamaan darban waliigalaan sirna fayyaa fooyyessuuf Doolaara biiliyoona 3 deeggarsa taasisuu Dooktar Maqdas saganticharratti ibsaniiru.
Waliigalteen deeggarsaa har’a mallattaa’ees bara 2017 eegalee waggoottan sadan itti aanaaniif hojiirra kan oolu ta’uu kaasaniiru.
#Oromia #Ethiopia