Ministeerichi tajaajila Loojistiksii biyya keessaa garaagarraatti tattaaffii taasiiseen baasii Birrii biiliyoona 2.2 baraaruu beeksiise
Finfinnee, Qaammee 2, 2013 (FBC) – Ministeerri Geejjibaa tajaajila Loojistiksii biyya keessaa garaagarraatti tattaaffii taasiiseen baasii Birrii biiliyoona 2.2 baraaruu beeksiiseera.
Damee Geejjibaan tattaaffii hojii taasiifameen fooyya’iinsi jajjabeessaa ta’e argamuu ibseera.
Fe’umsa Toonii kuma dhibba 9 fi kuma 54 buufata Taajuraan galchuun baasii Buufata Jiibuutiin ba’uuf ture Birrii miiliyoona 91 fi kuma dhibba 9 fi kuma 35 baraaruun danda’amuu ibsameera.
Meeshaaleen alatti ergaman biyya keessatti saamsamuun ergamuu isaaniin baasiin sharafa alaa ba’uuf ture Birriin miiliyoonni dhibbi 1 fi miiliyoonni 3.14 hir’isuun danda’amuu eerameera.
Bara darbe Dooniwwan guyyoota 33 galaanarra turan gara guyyoota 11 hir’suun baasii Birrii miiliyoona dhibba 4 fi miiliyoona 91.4 baraaruun danda’amuu ministeerichi ibseera.
Uwwisa tajaajila Baabuuraa fooyyeessuun meeshaalee galuu fi ba’uu baasii geejjibaa miiliyoona dhibba 8 fi miiliyoona 60.31 hir’isuun danda’ameera.
Waliigala tattaaffii tajaajila Loojistiksii biyya keessarratti taasiifameen baasii Birrii biiliyoona 2.2 baraaruun danda’amuu Ministeerichi ibsa Faanaa Broodkaasting Korporeetiif ergeen himeera.
Feesbuuki keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.