Ministeerichi qaamolee raawwii olaanaa misooma qamadii Bonaa bara 2013tti galmeessisaniif badhaasa kenne

Finfinnee, Onkololeessa 16, 2014 (FBC) – Ministeerri Qonnaa hojjettoota misooma Qonnaa, qonnaan bultoota, Biiroolee  Qonnaa, Waajjiralee qonnaa Godinaalee fi Aanaalee misooma qamadii bonaa bara 2013tti raawwii gaarii galmeessisaniif badhaasa kennuu ibsame.

Haaluma kanaan, biirooleen qonnaa naannolee raawwii gaarii galmeessisan badhaafamaniiru.

Godinaalee Oromiyaa keessaa godinni Jimmaa, Arsii, Shawaa Lixaa, Shawaa  Kaabaa, Shawaa Bahaa, Godina Addaa Oromiyaa Naannawaa Finfinnee fi Baaleen raawwii gaarii galmeessisuun badhaafamaniiru.

Godinoonni Jimmaa, Arsii fi Shawaa Lixaa akka biyyaatti raawwii olaanaa kan galmeessisan ta’uus ibsameera.

Aanaalee akka biyyaatti raawwii olaanaa galmeessisan 11 keessaa aanaaleen Oromiyaa 8 yeroo ta’an isaanis: Xiroo Afataa, Jiddaa, Jejuu, Jimmaa Gannatii, Booset, Sinaanaa, Aqaaqii fi Ejersa Lafoo ta’uu eerameera.

Hojjettoota misooma qonnaa akka biyyaatti raawwii hojii olaanaa galmeessisan 12 keessaa Oromiyaarraa ogeessonni 8 Aanaalee olitti ibsamanirraa  dhuunfaan badhaafamuu ibsameera.

Qonnaan bultoota qamadii bonaan misoomuu amananii fudhachuun raawwii olaanaa akka biyyaatti galmmeessisan 12 keessaa qonnaan bultoonn 8 Oromiyaarraa ragaan Biiroo Qonnaa  Oromiyaarraa argame ni muul’isa.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.