Milkaa’inni ajandaa Afrikaa akka dhugoomuuf yoomiyyuu taanaan Ityoophiyaan dursa ni laatti- Ministeera Dhimma Alaa

Finfinnee, Onkololeessaa 3,2014(FBC) – Milkaa’inni ajandaa Afrikaa akka dhugoomuuf Ityoophiyaan dursa kan laattu ta’uu Ministeera Dhimma Alaa beeksise.

Walga’iin Mana Maree Ministirootaa Gamtaa Afrikaa 39ffaan Ityoophiyaatti gaggeeffamuun isaa Ityoophiyaan milkaa’ina ajandaa Afrikaaf dursa akka kennituu fi murannoo qabaachuu ishee kan agarsiisu ta’uu Ministeera Dhimma Alaatti Daayreektar Jeneraalaa Dhimmoota Prootokoolii obbo Fayisal Aliyyii ibsaniiru.

Ityoophiyaan yeroo hundayyuu ajandaan Afrikaa akka milkaa’uuf ejjennoo cimaa kan qabdu ta’uu fi tattaaffii gootus cimsitee kan itti fuftu ta’uu ibsaniiru.

Walga’iin Mana Maree Ministirootaa Gamtaa Afrikaa 39ffaan guyyaa boruu magaalaa Finfinneetti eegalamuu maqaa gaarii Ityoophiyaan qabdu beeksisuuf ga’ee olaanaa qabaachuus himaniiru.

Maddi:- TOI

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.