Mariin misooma Niwukilaraa Iraan Kuwaataritti gaggeeffamaa ture waliigaltee malee xumurame
Finfinnee, Waxabajjii 24, 2014 (FBC) – Mariin Waliigaltee misooma Niwukilaraa haaromsuuf Iraanii fi Biyyoota Badhaadhaa addunyaa addunyaa gidduutti taasifamaa ture waliigaltee malee xumurameera.
Waliigaltee bara Faranjootaa 2015 haaromsuuf mariin marsaa xumuraa Kuwaataritti gaggeeffamaa ture fagoo osoo hin imaliin xumuramuu mariisiisaan Gamtaa Awurooppaa Eeniriikee Mooraan ibsaniiru.
Gamtaan Awurooppaa waliigaltee abdii qabeessa taasiisuu osoo hin dandeenye mariin guyyoota lamaaf taasiifamaa ture waliigaltee malee xumuramuu eerameera.
Mariin yeroo adda addaatti gaggeeffame bu’aa xiqqoo argamsiisullee, bakka bu’oonni kunneen ”waliigaltee niwukilaraa haaromsuuf saffisaan hojjechuu itti fufna” jedhaniiru.
Qondaalli olaanaan Ameerikaa maqaan isaa hin ibsamne tokko harkifannaa kanaaf Tehraan komateera.
Akkasumas mariisistoota Tehran dhimmoota furmaata hin argannee fi dhimmoota haaraa waliigaltee niwukilaraa bara Faranjootaa 2015 waliin wal hin qabanne kakaasuu isaanii qeequu TR gabaaseera.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.